Šainović: Razmišljaju li u BS kako se osjećaju majke Srebrenice dok oni ulaze u Vladu Mandića

Nakon samo dva mjeseca od široke diskusije o Rezoluciji o danu sjećanja na genocid u Srebrenici, u istoj sali Skupštine Crne Gore, vodi se diskusija o ulasku Bošnjačke stranke u Vladu, slobodno možemo reći, Andrije Mandića. Pitam se da li u BS razmišljaju kako se danas osjećaju majke Srebrenice sa kojima su se nedavno fotografisali u Potočarima?

Svjedočeći radikalnoj promjeni politike BS ovih dana, sve je jasnije zašto veliki broj intelektualaca, mladih ljudi i onih koji su, i uznpodršku LP, nekada osnivali ovu partiju, već mjesecima unazad napušta ovu partiju. Vjerujem da će napuštanja tek uslijediti nakon što je rukovodstvo napravilo "salto mortale" i negiralo sve za što se gotovo 20 godina zalaže.

Očekujemo, konačno, i da će Bošnjačka stranka u Bijelom Polju i drugim gradovima, predložiti nove Vraneše, Kovačeviće i druge mandiće za gradonačelnike i na taj način zaokružiti pun krug, proslavljajući sa pjesmama o herojima njihovih koalicionih partnera, Pavlu Đurišiću, Mihajloviću, Mladiću i ostalim presuđenim ratnim zločinicima.

 

Esad Šainović,

Generalni sekretar LP